لاہور۔16ستمبر (اے پی پی):نیب کے چیئرمین جسٹس جاوید اقبال دی طرفوں کجھ عناصر (جیڑھے جو خود کوں نیب افسر ظاہر کریندے ہوئیں مختلف حکومتی و پرا ئیویٹ اداریں یا عہدیداراں کوں آپݨے ذاتی کم کڈھاوݨ یا غیر قانونی طور تے دبائو پاتے ٹیلی فون نمبرز تے رابطہ کرݨ دی کوشش کریندن) انہاں دے خلاف سخت کارروائی دے احکامات جاری کیتن ۔ نیب ترجمان موجب مختلف ذرائع توں ملݨ آلی انہاں اطلاعات و شکایتاں دے مطابق ایجھے عناصر عموما واٹس ایپ تے نیب افسران دی تصویر لیندے ہوئیں انٹرنیشنل نمبراں دا استعمال کریندن ، مزید اے جو ایجھے عناصر دی طرفوں اکثر و بیشتر مختلف سافٹ ویئرز دی مدد نال ناقابل شناخت نمبراں دے استعمال دی وی اطلاعات ملئن جنہاں دے خلاف نیب قانون دے مطابق کارروائی دا مکمل اختیار رکھیندے ۔انہاں ݙسایا جو نیب انٹیلی جنس ونگ دی طرفوں ہݨ تئیں ایجھے 12 ملزمان دی گرفتاری عمل اچ گھن آئی ڳئی اے ، ایں تناظر اچ نیب عوام دے بہترین مفاد کوں سامݨے رکھیندے ہوئیں ھک واری ول ݙسیندے جو چیئرمین نیب جسٹس جاوید اقبال دی واضح ہدایات ہن جو نیب دا کوئی افسر کہیں کیس دی انکوائری یا انویسٹی گیشن دے دوران کہیں ملزم یا ادارے توں فون تے رابطہ نہ کریسی بلکہ قانون دے مطابق سرکاری مراسلہ بھیڄ تے متعلقہ شخص یا ادارے نال رابطہ کرم دا مجاز ہوسی ۔نیب ترجمان آکھیے جو ایجھی کہ??ں وی نوعیت دی شکایت دی صورت اچ نیب دفترںال رابطہ کیتا ونڄے ۔
.jpg)
.jpg)
