اسلام آباد۔16جنوری(اے پی پی) وفاقی وزیر اطلاعات و نشریات مریم اورنگزیب سپریم کورٹ بار دے سابق صدر عبدالطیف آفریدی دے قتل دی شدید مذمت کریندے ہوئیں آکھیے جو عبد الطیف آفریدی مظلوماں دی تکڑی آواز ہن ، اوحق گو اتے سچے انسان ہن ، انہان دے بہیمانہ قتل دی جتنی مذمت کیتی ونڄے گھٹ اے ۔ آپݨے مذمتی بیان اچ انہاں آکھیے خیبر پختونخوا اچ بار روم دے اندر ایں طرح دی بہیمانہ کارروائی امن وامان دی سنگین صورتحال دا مظہر اے۔ وفاقی وزیر اطلاعات آکھیے جو عبدالطیف آفریدی دی آئین، قانون اتے جمہوریت کیتے جدوجہد کوں سلام پیش کریندوں ۔ انہاں دعا کیتی اللہ تعالیٰ مرحوم کوں جنت الفردوس اچ اعلی مقام اتے لواحقین کوں صبر ݙیوے۔
