اسلام آباد۔3اگست(اے پی پی) نائب وزیراعظم ووزیر خارجہ سینیٹر اسحاق ڈار پاکستان دی حکومت اتے عوام دی طرفوں اسماعیل ہانیہ دی شہادت تے ݙکھ تے افسوس کریندے آکھیے اسماعیل ہانیہ شہید دا بہیمانہ قتل بین الاقوامی قانون تے سفارتی اصولاں دے خلاف اے۔ دفتر خارجہ توں جاری بیان موجب نائب وزیراعظم و وزیر خارجہ سینیٹر اسحاق ڈار کوں ایران دے قائم مقام ??زیر خارجہ علی باقری کنی ٹیلی فون کیتے ۔ایران دے قائم مقام ??زیر خارجہ تہران اچ اسماعیل ہانیہ دے قتل تے ایرانی قوم اتے قیادت دے ݙکھ دا اظہار کیتے ۔نائب وزیراعظم اسحاق ڈار پاکستانی عوام دی طرفوں اسماعیل ہانیہ دی شہادت تے افسوس تے ہمدردی کیتی ۔نائب وزیراعظم آکھیے وزیراعظم پاکستان غزہ اچ تھیوݨ آلی پیشرفت تے اسماعیل ہانیہ شہید دے بہیمانہ قتل دی شدید الفاظ اچ مذمت کیتی ، ایں توں انڄ پاکستان دی قومی ??سم??لی متفقہ طور تے ایں ݙراکلے فعل دی مذمت کیتی اے ، اسماعیل ہانیہ شہید دا بہیمانہ قتل بین الاقوامی قانون ،سفارتی اصولاں ا??ے اقوام عالم وچال قابل قبول طرز عمل دے خلاف اے۔ ایرانی قائم مقام ??زیر خارجہ نائب وزیراعظم توں ایں معاملے تے وزرائے خارجہ دی سطح تے سݙیے ونڄݨ آلے او آئی سی دے غیر معمولی اجلاس اچ شرکت دی وی درخواست کیتی۔ نائب وزیراعظم او آئی سی دے وزرائے خارجہ دے غیر معمولی اجلاس دے سݙݨ دی مکمل حمایت کیتی۔ نائب وزیراعظم ایں ڳالھ دی تصدیق کیتی جو پاکستان اہم اجلاس اچ ودھ چڑھ تے حصہ گھنسی۔
