اسلام آباد۔13جنوری (اے پی پی):پاکستان دی طرفوں فلسطینی بھیݨ بھراویں دی مدد سانڳے امدادی سامان دی چوتھی کھیپ پاک فضائیہ دی خصوصی پرواز دے ذریعے نور خان ائیر بیس توں روانہ کرݙتی ڳئی اے ، ایں موقع تے نگران وزیر خارجہ جلیل عباس جیلانی فلسطینی عوام دی بھرپور حمایت دا اعادہ کریندے ہوئیں آکھیے غزہ دے مظلوم عوام کوں انسانی امداد وختی ݙیوݨ دے نال نال وختی جنگ بندی کیتی ونڄے ۔ ہفتے کوں این ڈی ایم اے دی طرفوں جاری بیان موجب غزہ سانڳے پاکستا?? توں 20 ٹ?? امدادی سامان دی چوتھی کھیپ روانہ کیتی ڳئی جیں اچ غزہ اچ زمینی ضرورتاں موجب سرجیکل/طبی سامان، خشک کھاوݨ دیاں چیزاں توں علاوہ حفظان صحت دی کٹس وی شامل ہن ۔ خصوصی پرواز امدادی سامان گھن تے اردن پڄ ویسی جتھاں اردن اچ تعینات پاکستانی سفیر امدادی سامان وصول کریسن ، امدادی سامان وصولی د?? بعد ونڈݨ سانڳے غزہ روانہ کرݙتا ویسی ۔ نگران وزیر خارجہ جلیل عباس جیلانی، پاکستان اچ فلسطین دے سفیر احمد ربیع، این ڈی ایم اے، وزارت خارجہ اتے مسلح افواج دے سینئر افسراں نورخان ایئر بیس تے امدادی سامان دی روانگی د?? تقریب اچ شرکت کیتی۔
.jpg)
.jpg)
