اسلام آباد۔3جولائی(اے پی پی)وزیر اعظم محمد شہباز شریف اتے تاجکستان دے صدر امام علی رحمان ݙوہاں ملکاں اتے خطے دے سکیورٹی چیلنجز تے قابو پاوݨ کیتے سکیورٹی دے شعبے اچ ڳانݙھا ٻیا ودھاوݨ دا عزم کریندے ہر قسم دی دہشت گردی دی مذمت کیتی اے۔ ڈوہیں فریقین دہشت گردی دے خلاف عالمی جنگ اچ اپݨے کردار اتے قربانیاں دی تعریف کریندے ݙوطرفہ اتے بین الاقوامی و علاقائی تنظیماں اچ انسداد دہشت گردی، بین الاقوامی منظم جرائم، انسانی اتے منشیات دی سمگلنگ نال نمٹݨ کیتے جاری تعاون ودھاوݨ تے زور ݙتے۔ ترجمان دفتر خارجہ دے مطابق وزیر اعظم محمد شہباز شریف دے تاجکستان دے سرکاری دورے دے مکݨ تے پاکستان اتے تاجکستان دے مشترکہ بیان اچ آکھیا ڳئے جو وزیر اعظم پاکستان وسطی ایشیائی خطے اچ دہشت گردی اتے ایندی مالی معاونت مکاوݨ کیتے کثیر الجہتی تعاون ٻیا ودھاوݨ اتے دوشنبے عمل دے فریم ورک اچ اقوام متحدہ نال اعلیٰ سطح بین الاقوامی کانفرنساں کراوݨ کیتے جمہوریہ تاجکستان دیاں کوششاں دی تعریف کیتی۔ افغانستان تے ݙوہاں فریقاں اتفاق کیتے جو پرامن، خوشحال اتے مستحکم افغانستان علاقائی خوشحالی اتے ترقی کیتے بنیادی حیثیت رکھدے، ایں سانڳے افغانستان کیتے ہک جامع حکومت دا ہووݨ ضروری اے۔ فریقین نسل پرستی، بنیاد پرستی اتے عدم برداشت دیاں ٻیاں قسماں، یا مذہب یا عقیدے دے ناں تے دہشت گرد حملیاں اچ ودھارے نال سامݨے آوݨ آلے نویں خطریاں تے چنتا کیتے۔ آکھیا ڳئے جو ݙوہاں رہنماواں ڄڳ اچ اسلامو فوبیا ودھاݨ تے الائے اتے ایں لعنت تے قابو پاوݨ کیتے او آئی سی دے مشترکہ اقدامات اتے اجتماعی کوششاں دی حمایت کیتی۔ انہاں اقوام متحدہ دی جنرل اسمبلی ولوں اسلامو فوبیا نال نمٹݨ کیتے 15 مارچ کوں عالمی ݙینھ دے طور تے مناوݨ کوں جی بسم اللہ آکھیے۔ وزیر اعظم شہبازشریف اگست 2022 اچ سیلاب متاثرین کوں امداد ݙیوݨ تے تاجکستان دے صدر دا شکریہ ادا کیتے۔(
.jpg)
