اسلام آباد۔5جون (اے پی پی) کابینہ دی اقتصادی رابطہ کمیٹی حیدرآباد۔سکھر موٹروے منصوبہ کیتے 9 ہزار 500 ملین روپے دی حکومتی ضمانت دے اجرا دی منظوری ݙے ݙتی، اجلاس اچ مختلف ، وزارتاں اتے ڈویژنز کیتے تکنیکی ضمنی گرانٹس دی منظوری وی ݙتی ڳی۔ کابینہ دی اقتصادی رابطہ کمیٹی دا اجلاس (ای سی سی) سنوار کوں وفاقی وزیر خزانہ و محصولات سینیٹر محمد اسحاق ڈار دی صدارت اچ تھیا۔ الاس اچ حیدرآباد۔سکھر موٹروے منصوبہ کیتے 9 ہزار 500 ملین روپے دی حکومتی ضمانت دے اجرا دی منظوری ݙے ݙتی، اجلاس اچ مختلف ، وزارتاں اتے ڈویژنز کیتے تکنیکی ضمنی گرانٹس دی منظوری ݙتی ڳی۔ اجلاس اچ نیشنل ڈیزاسٹر مینجمنٹ اتھارٹی کیتے ریلیف دی شئیں ڳھنݨ دی مد اچ 12 ارب روپے دی گرانٹ دی منظوری ݙتی ڳی۔ ای سی سی علاقائی ملکاں دے مقابلے ڳھٹ قیمت دی بنیاد تے 49 دوائیں دی ودھ توں ودھ ریٹل نرخ کوں فکس کرݨ دی موکل وی ڈے ݙتی۔ اجلاس اچ نیوگوادر انٹرنیشنل ایئرپورٹ منصوبہ کیتے وزارت ہوا بازی کیتے 839.12 ملین روپے دی تکنیکی ضمنی گرانٹ دی منظوری ݙتی ڳی۔ اسٹیبلشمنٹ ڈویژن کیتے 120.450 ملین روپے، مختلف ذرائع توں حاصل خدمات دی مد اچ اسٹیبلشمنٹ ڈویژن کیتے 14 کروڑ 5 لکھ 84 ہزار 175 روپے، وزارت انسانی حقوق کیتے 116.49 ملین روپے، وزارت اطلاعات تے نشریات کیتے 70 کروڑ روپے، پشاور دے علاقہ شاکس اچ فاٹا لیویز سنٹر کیتے 48 ملین روپے، یو این امن مشن اچ خدمات سرانجام ڈیوݨ آلے سول آرمڈ فورسز کوں ادائیگیاں کیتے وزارت داخلہ کوں 470.82 ملین روپے، خیبرپختونخوا دے علاقہ مچنی اچ فرنٹیئر کانسٹیبلری کیتے تربیتی کیمپ ٻݨاوݨ دی مد اچ 66.336 ملین روپے، وزارت داخلہ کیتے 347.99 ملین روپے، سوات اچ دہشت گردی دے واقعہ اچ شہید اتے زخمی تھیوݨ آلیاں دے لواحقین کیتے 49.5 ملین روپے، جامشورو کول فائرڈ پاور پراجیکٹ کیتے 9 ہزار 145 ملین روپے، وزارت پارلیمانی امور کیتے 48.429 ملین روپے اتے نیکٹا کیتے 110.653 ملین روپے دی تکنیکی ضمنی گرانٹس دی منظوری ݙتی ڳی۔
.jpg)
