اسلام آباد۔23مئی(اے پی پی)پی آئی اے 31 مئی توں پاکستان دے 8 شہراں توں حج پروازاں شروع کریسی جیڑھیاں جدہ اتے مدینہ منورہ ویسن۔ اے ڳالھ وفاقی وزیر خواجہ سعد رفیق دی ااڳواݨی اچ حج آپریشن، مذہبی زیارات اتے اندرون و بیرون ملک سیاحت دے ودھارے سانڳے پی آئی اے دے کردار بارے بریفنگ اجلاس اچ ݙسائی ڳئی۔ ݙسایا ڳئے جو حج آپریشن اچ 297 پروازاں 31 مئی توں 13 اگست تئیں چلایاں ویسن۔ اے پروازاں کراچی، لاہور، اسلام آباد، فیصل آباد، سیالکوٹ، ملتان، پشاور اتے کوئٹہ توں ویسن۔ ݙسایا ڳئے جو پی آئی اے زائرین کیتے دمشق اتے نجف الاشرف کیتے پروازاں وی چلیسی ڄݙاں جو سیاحت دے ودھارے کیتے باکو دی پروازاں ݙوڑیاں کرݨ، اسکردو، گلگت اتے چترال کیتے وی ہفتہ وار پروازاں ودھداں پن۔
.jpg)
