اسلام آباد ۔ 11 جون (اے پی پی) وزیراعظم عمران خان ضرورت مند گھرانڑیں کوں نقد رقم دی منتقلی دے پروگرام دے سلسلے وچ بھارت کوں معاونت دی پیش کش کیتی اے ۔ خمیس کوں ٹویٹر تے اپنڑے پیغام اچ وزیر اعظم انگریزی روزنامہ دی رپورٹ دا حوالہ ڈیندے ہوئیں آکھیے جو ایں رپورٹ دے موجب بھارت اچ 34فیصد گھرانڑیں مدد نہ ڈتے ونجنڑ دی صورت اچ ہک ہفتے توں ودھ زندہ رہنڑ دے قابل کائناں ہوسن ۔ انہاں آکھیے جو اساڈی حکومت 9 ہفتے اچ ہک کروڑ خانداناں کوں کووڈ۔19 توں پیدا تھیونڑ آلی صورت حال اچ 120 ارب روپے دی نقد رقم شفاف طریقے نال ڈتی اے۔ اساڈے ایں پروگرام دی بین الاقوامی طور تے تعریف تھئی اے ۔ وزیر اعظم پیش کش کیتی جو ایں طرح پروگرام کیتے بھارت کوں مدد تے معاونت کرنڑ کیتے تیار ہوں ۔
.jpg)
