اسلام آباد۔11جولائی(اے پی پی) چیئرمین سینیٹ سینیٹر سید یوسف رضا گیلانی آکھیے پاکستان تے جرمنی دا سفارتی،سیاسی،اقتصادی و معاشی سطح تے چںڳاں تعاون موجود اے ،اعلیٰ سطح سانجھے رابطے ݙوہیں ملک دے لوکاں کوں نیڑے گھن آوݨ اچ مددگار ثابت تھیسن ،پاکستان خطے اچ عالمی سطح تے امن و استحکام ودھاوݨ سانڳے پرعزم اے ۔سینیٹ سیکرٹریٹ توں جاری بیان موجب اے ڳالھ انہاں جرمن رکن پارلیمنٹ مائیکل مُلر دی سربراہی اچ وفد کوں آکھی جنہاں اتھاں ملاقات کیتی ۔ ملاقات اچ چیئرمین سینیٹ ݙوہیں ملکاں دے پارلیمانی تبادلے ودھاوݨ دی اہمیت کوں چاتے۔ ملاقات اچ چیئرمین سینیٹ سید یوسف رضا گیلانی آکھیے پاکستان تے جرمنی دے سفارتی،سیاسی،اقتصادی و معاشی سطح تے چنڳاں تعاون اے۔جرمنی نال ݙو پاسے یورپی یونین دی سطح تے بہترین تعاون موجود اے۔پاکستان ایں سانجھے داری کوں ٻیا تکڑا کرݨ چاہندے ۔اعلیٰ سطح سانجھے رابطے ݙوہیں ملکاں کوں نیڑے گھن آوݨ اچ مددگار ثابت تھیسن ۔ انہاں آکھیے پاکستان ہر سطح تے رابطے ودھاوݨ چاہندے۔ چیئرمین سینیٹ سید یوسف رضا گیلانی داموسمیاتی تبدیلی متعلق چیلنجز نال نبݨݨ سانڳے کوششاں جاری رکھݨ دا عزم کیتے۔ ملاقات اچ ݙوہیں ملکاں وچال تجارتی حجم ودھاوݨ ،تجارت اتے اقتصادی تعاون مزید ودھاوݨ تے تفصیلی ڳالھ مہاڑ تھئی ۔ ملاقات اچ چیئرمین سینیٹ پاکستانی طلباء کوں اعلیٰ تعلیمی وظیفے ݙیوݨ دی تعریف تے شکریہ ادا کیتے ۔ چیئرمین سینیٹ ویزے جاری کرݨ اچ غیر معمولی دیر تھیوݨ پاروں سامݨے آندی اوکھ دا جرمن وفد کوں ݙسائے ، انہاں آکھیے امید اے ویزے جاری تھیوݨ اچ دیر تھیوݨ دے مسئلے کوں وختی حل کیتا ویسی ۔پاکستان مذاکرات تے سفارت کاری دے ذریعے جھیڑے دے پرامن حل تے یقین رکھیندے ۔پاکستان خطے اچ عالمی سطح تے امن و استحکام ودھاوݨ سانڳے پرعزم اے ۔ جنوبی ایشیا اچ امن اقوام متحدہ دی سلامتی کونسل دی قرارداداں اتے کشمیری عوام دی امنگاں موجب جموں و کشمیر جھیڑے دے پرامن حل تے منحصر اے۔بھارت منظم طریقے نال کشمیری عوام کوں انہاں دے بنیادی حقوق اتے آزادی توں محروم کریندا پئے ۔بھارتی فوج لائن آف کنٹرول اچ ݙر دا ماحول بݨا رکھیے ۔انسانی حقوق ݙیوݨ یورپی ملکاں دی ترجیح اچ شامل اےاقوام عالم لائن آف کنٹرول اچ انسانی حقوق دی صورتحال چنڳی بݨاوݨ سیاسی انجینئرنگ کوں روکݨ سانڳے ہندوستان تے آپݨا اثر و رسوخ استعمال کرے۔فلسطین دی موجودہ صورتحال ٻہوں افسوسناک اے۔چیئرمین سینیٹ سید یوسف رضا گیلانی آکھیے غزہ اتے رفح اچ نشوم شہریاں دے خلاف اسرائیلی جارحیت نی رکدی پئی ۔عالمی برادری فلسطینیاں دے خلاف ظلم روکݨ سانڳے پکے اقدامات ڳھدے۔چیئرمین سینیٹ سید یوسف رضا گیلانی دا عالمی برادری توں وختی جنگ بندی سانڳے اقدامات چاوݨ دا مطالبہ کیتےاوں ویلھے تئیں امن نی تھی سڳدا جݙاں تئیں ایں مسئلے دا مناسب حل نہ کڈھیا ونڄے۔دنیا اچ امن سانڳے امن ضروری اے۔
.jpg)
