اسلام آباد۔6جولائی(اے پی پی)وزیراعظم محمد شہباز شریف آکھیے جو پی ٹی آئی دور حکومت اچ توانائی سودھا ٻئے بنیادی ڈھانچہ دے منصوبیاں اچ دیر دا وݙا ضیان تھئے، ایں مجرمانہ غفلت تے انکوائری دا حکم ݙتے۔ ہک ٹویٹ اچ انہاں آکھیے جو اڄ ہک اجلاس اچ گوادر بریک واٹر پراجیکٹ اچ مجرمانہ غفلت تے تحقیقات دا حکم ݙتے، میکوں ٻہوں چنتا تھیندے جو پی ٹی آئی حکومت 445 ملین ڈالر گرانٹ، 484 ملین ڈالر دے سہولتی قرضے اتے فزیبلٹی دے باوجود منصوبہ نظرانداز کیتا ڳئے۔ وزیراعظم آکھیا جو ہݨ پریزنٹیشنز دا ویلھا لڳا ڳئے اتے اے صرف کم دا ٹائم اے۔ انہاں آکھیا جو گوادر سی پیک دا حصہ ہووݨ پاروں ٻہوں اہم اے اتے ایندی سیاسی، اقتصادی اتے تزویراتی اہمیت وی ودھ اے، بلوچستان دی پسماندگی کوں خوشحالی اچ ٻدلݨ ساݙی کٹھی ذمہ داری اتے مقصد اے۔
.jpg)
