اسلام آباد۔9دسمبر (اے پی پی) وزیراعظم دے مشیر برائے خزانہ تے محصولات شوکت ترین آکھیا جو بیمار اتے بند صنعتی یونٹس دی بحالی کیتے پاکستان کارپوریٹ ری سٹرکچرنگ کمپنی نال پورا تعاون کریسوں۔ انہاں اے یقین دہانی خمیس کوں اتھاں بیمار اتے بند صںعتی یونٹس دی بحالی بارے تھیوݨ آلے اجلاس دی صدارت کریندیں ہوئیں آکھی۔ اجلاس اچ وفاقی وزیر صنعت تے پیداوار مخدوم خسرو بختیار ، وزیراعظم دے مشیر برائے تجارت تے سرمایہ کاری عبدالرزاق دائود ، سیکرٹری صنعت و پیداوار چیئرمین سیکیورٹیز اینڈ ایکسچینج کمیشن آف پاکستان ، ڈپٹی گورنر سٹیٹ بینک ، ایم ڈی یوٹیلٹی سٹور ، سی ای او پی سی آر سی ایل اتے سینئر حکام شرکت کیتی۔ چیف ایگزیکٹو آفیسر پی سی آر سی ایل کمپنی دی کارکردگی اتے بیمار تے بند صنعتی یونٹس دی بحالی دے اقدامات بارے پریزینٹیشن ݙتی۔
.jpg)
