اسلام آباد۔19ستمبر (اے پی پی):وزیراعظم محمد شہباز شریف 19 توں 23 ستمبر تئیں نیویارک اچ اقوام متحدہ دی جنرل اسمبلی دے 77ویں اجلاس اچ شرکت کریسن ، وزیراعظم 23 ستمبر کوں اقوام متحدہ دی جنرل اسمبلی توں کلیدی خطاب کریسن ،وزیراعظم ماحولیاتی تبدیلی پاروں آوݨ آلے اڄوکے تباہ کن سیلاب دے تناظر اچ پاکستان کوں پیش آندے چیلنج کوں عالمی فورم تے چاتے ماحولیاتی تبدیلی توں پیدا تھیوݨ آلے خطرے توں اجتماعی طو?? تے نبݨݨ کیتے ٹھوس تجاویز دا خاکہ پیش کریسن ۔دفتر خارجہ موجب وزیراعظم محمد شہباز شریف ایں موقع تے عالمی رہنماواں کوں مسئلہ کشمیر سودھے علاقائی تے عالمی مسئلیں تے پاکستان دے موقف اتے نقطہ نظر بارے ݙسیسن ۔اقوام متحدہ دی جنرل اسمبلی دے اجلاس دے موقع تے وزیر اعظم افریقی یونین،یورپی یونین اتے امریکا دی طرفوں مشترکہ طو?? تے منعقد تھیوݨ آلے غذائی تحفظ تےعالمی سربراہ اجلاس تے کوپ 27 تے عالمی رہنماواں دے اجلاس اچ وی شرکت کریسن اے ݙوہیں اجلاس عالمی برادری کوں پیش آندے ݙو اہم چیلنجاں نال نبݨݨ کیتے موثر اقدامات تے غور کرݨ ساںڳے اہم پلیٹ فارم ہن۔وزیراعظم اپݨے دورے اچ مختلف ملکاں دے وزرا اعظم ،جنرل اسمبلی دے صدر، اقوام متحدہ دے سیکرٹری جنرل دے علاوہ بین الاقوامی تنظیماں، عالمی مالیاتی اداریں اتے فل??حی تنظیماں دے سربراہان نال ملاقاتاں کریسن ، ایں موقع تے اقوام متحدہ دے سیکرٹری جنرل اتے امریکی صدر دی طرفوں ݙتے ونڄݨ آلے استقبالیہ دے دوران عالمی رہنماواں کوں ھک ݙوجھے نال ڳالھ کرݨ دا موقع مل ویس?? ۔وزیر خارجہ بلاول بھٹو زرداری وی وزیراعظم دے رلے ہوسن تے او مختلف تقریبات اچ شرکت توں علاوہ ٻئے ملکاں دے وزرا خارجہ نال ملاقاتاں کریسن ، اومیڈیا اتے تھنک ٹینک نال ڳالھ مہاڑ توں علاوہ جی 77 اتے چین دےوزیر خارجہ تے او آئی سی دے سالانہ اجلاساں تے جموں و کشمیر تے او آئی سی رابطہ گروپ دے اجلاس اچ وی شرکت کریسن ۔
.jpg)