اسلام آباد۔1مارچ (اے پی پی): وزیر اعظم عمران خان اڄ منڳل کوں ھک ݙینھ دے دورے تے لاہور روانہ تھی ڳئن ۔ وزیراعظم آفس دے میڈیا ونگ توں جاری بیان موجب دورہ لاہور دے دوران وزیراعظم دے رلے وفاقی وزراء شفقت محمود، فواد احمد، غلام سرور خان، حماد اظہر، مخدوم خسرو بختیار اتے مشیر تجارت عبدالرزاق ہن۔ لاہور اچ وزیر اعلی پنجاب سردار عثمان بزدار وزیر اعظم کوں صوبے دی انتظامی اتے امن و امان دی صورت حال تے بریفنگ ݙیسن ۔وزیر اعظم ملک اچ کاروباری سرگرمیاں دے ودھارے کیتے انڈسٹریل پیکیج دا اعلان کریسن ۔ بعد اچ وزیر اعظم راولپنڈی، بہاولپور، ملتان اتے ساہیوال ڈویژناں توں تعلق رکھݨ آلے ارکان پارلیمان نال ملاقاتاں کریسن ۔
