اسلام آباد۔13جولائی (اے پی پی):صدر مملکت ڈاکٹرعارف علوی آکھیے جو کشمیر دی آزادی دا ݙینھ پرے کائنی ،اساں اے ݙینھ ضرور ݙیکھسوں ۔غیر قانونی بھارتی قبضہ دے خلاف کشمیری عوام دی جدوجہد منصفانہ اتے بے لوث اے ۔ منگل کوں یومِ شہداء کشمیر دے موقع تے سماجی رابطے دی ویب سائٹ تے آپݨے سنھیے اچ صدر مملکت ڈاکٹرعارف علوی آکھیے جو میں یوم شہداء کشمیر تے آپݨے کشمیری بھراویں تے بھیݨیں کوں سلام پیش کرینداں ،13 جولائی 1931 دے شہداء دی روح کوں انہاں دے جانشیں زندہ رکھیا ہویا اے ، عالمی برادری دے منیے ڳئے حق خود ارادیت دا مطالبہ کریندے پیوں ، انہاں آکھیے جو کشمیر دے بہادراں دی آزادی کیتے جدوجہد ہݨ وی جاری اے، کشمیری عوام دی غیر قانونی بھارتی قبضے دے خلاف جنگ منصفانہ اتے بے لوث اے،انہاں آکھیے جو پاکستان کشمیریاں دی آزادی تئیں سفارتی، سیاسی اتے قانونی مدد کریندا رہسی ۔آزادی دا ݙینھ پرے کائنی ، ان شاء اللہ اساں ضرور ݙیکھسوں۔
