سیالکوٹ ۔13مئی (اے پی پی):وزیر دفاع خواجہ محمد آصف آکھیے آرمی تنصیبات تے حملے ریاست دشمنی دے مترادف ہن،جیڑھا کم دشمن نہ کر سڳیا او کم عمران تے ایندے حواریاں کر ݙکھائے ،،شرپسنداں کوں ہر صورت سزا ݙتی ویسی ، اے ڳالھ انہاں سیالکوٹ اچ ھک پریس کانفرنس توں خطاب کریندے ہوئیں آکھی اے ۔ انہاں آکھیے جو عمران خان دی سہولتکاری دے بجائے آئین اتے قانون دے مطابق چلیا ونڄے، کہیں عمران خان متعلق جے کوئی مقدمہ سوچیا وی ہے تاں اوندے وچ وی اینکوں ضمانت ݙے ݙتی ڳئی، اے کیجھا انصاف اے؟ جے فوج تے پولیس دی طرفوں حملے وچ رد عمل ݙتا وینداتاں ریاست کوں ضیان تھیندا تے او تھیندا جیڑھا عمران خان چاہندے ۔ انہاں آکھیے جݙاں ھک ملزم کوں ݙکھ تے وش یو گڈ لک اتے اے آکھیا ونڄے تاں تساکوں ݙیکھ تے خوشی تھئی اے تاں انصاف دی کیا توقع کیتی ونڄ سڳدی اے ؟۔ انہاں آکھیے نواز شریف کوں صرف اپݨے پتر دی کمپنی توں تنخواہ نہ گھنݨ تے تاحیات نااہل قرار ݙے ݙتا ڳیا ، انہاں کوں ایہو جیہا ریلیف کیوں نی ݙتا ڳیا ، اڄ عدلیہ اتے ایندے قوانین تے انڄ توں عملدرآمد کیوں تھیندا پئے، اڄ عمران خان کوں انہاں کیسز توں وی ضمانتاں ملدیاں پئن جنہاں دا انہاں کوں پتہ وی کائنی ۔ سابق وزیراعظم محمد نواز شریف دی سیاست ختم کرݨ آلے سارے چہرے ھک ھک کرتے بے نقاب تھیندے پئن لیکن اللہ تعالی دے فضل و کرم نال نواز شریف دی سیاست اڄ وی قائم و دائم اے تے انہاں دے چھوٹے بھائی محمد شہباز شریف اڄ وی ملک دے وزیراعظم ہن۔
.jpg)
