تاریخ اچ پارلیمنٹ اتے سپیکر دے عہدے دی ایجھی توہین کڈاہیں کائنی تھی ‘ میں ایں پارلیمنٹ دا کسٹوڈین ہاں، چار سالاں اچ وی جیرھے لوک سیاسی تربیت حاصل نہ کرسگن انہاں کیتے کوئی رولنگ نی ڈے سگدا ، مرتضیٰ جاوید عباسی
اسلام آباد ۔ 23 جنوری (اے پی پی) ڈپٹی سپیکر قومی اسمبلی مرتضیٰ جاوید عباسی رولنگ ڈتی جو پارلیمنٹ تے لعنت بھیجن پوری قوم انہاں تے لعنت بھیجے ‘ پارلیمنٹ دے وقارتے کوئی سمجھوتہ کائناں کریسوں ۔منگل کوں قومی اسمبلی اچ ڈپٹی سپیکر آکھیا جو پوری قوم ڈیکھدی پئی اے ،ایں ہاﺅس کوں رولز دے مطابق چلایا ونجے ۔انہاں پی ٹی آئی دے رکن عامر ڈوگر کو مخاطب کریندے ہوئیں آکھیا جو انہاں دے دل اچ جیرھی گال آندی اے او آکھ ڈیندن او اینویں گال نہ کرن ۔ڈپٹی سپیکر آکھای جو جیں ڈینھ اے معاملہ ایوان اچ چاتا گیا او ڈینھ توجہ ڈیواﺅ نوٹس دے بعد شہریار آفریدی تے مراد سعید کوں آکھیا جو او گال کرن تآں انہاں جیرھا کجھ کیتا او ساریں دے سامنڑے اے ۔ انہاں آکھیا جومیں ایںپارلیمنٹ دا کسٹوڈین ہاں اتے میں رولنگ ڈینداں جو پارلیمنٹ تے لعنت بھیجنڑ آلے تے پوری قوم انہاں دے لعنت بھیجے ڈپٹی سپیکر مرتضیٰ جاوید عباسی آکھیا جو لعنت لعنت کرنڑ آلا پاکستانی سیاست توں خود لعنتی تھی ویسی ۔تاریخ اچ پارلیمنٹ تے سپیکر دے عہدے دی ایجھی توہین کڈاہیں کائنی تھی ،چار سالاں اچ وی جیرھے لوک سیاسی تربیت نہ حاصل کر سگن انہاں سانگے کوئی رولنگ کائنی ڈے سگدا ۔ایں توں پہلے قومی اسمبلی اچ تحریک انصاف دے رکناں ودھ ہنگامہ آرائی کیتی۔ تحریک انصاف دے ارکان شہریار آفریدی دی قیادت اچ سپیکر ڈائس دے سامنڑے ونج تے اچی آواز اچ بولیا پارلیمنٹ اتے سپیکر کوں برا بھلا اکھیندے رہیے۔ ایں توں پہلے قومی اسمبلی اچ پی ٹی آئی دے ارکان ولوں شور شرابے اتے پی ٹی آئی دے رکن شہریار خان آفریدی ولوں لعنت ملامت دے الفاظ استعمال کرنڑ تے بیاں جماعتاں احتجاج کیتا۔ پیپلز پارٹی دے رکن عبدالستار بچانی آکھیا جو تحریک انصاف دے ارکان پارلیمنٹ اتے سپیکر دے عہدے تے لعنت بھیجیندے پن ۔ انہاں دے حوالے نال رولنگ ڈتی ونجے ۔ڈپٹی سپیکر آکھیا جو تاریخ اچ پارلیمنٹ تے سپیکر دے عہدے دی ایجھی توہین کڈاہیں نی تھی ۔چار سالاں اچ جیرھے لوک سیاسی تربیت حاصل نہ کر سگیے انہاں سانگے کوئی رولنگ نی ڈے سگدا ۔میں ایوان کوں تجویز ڈیندا ں جو او ارکان ایجھی قانون سازی کرن جیں نال سیاسی جماعتاں تے ارکان کوں پارلیمنٹ دی توہین توںروکیا ونجے ۔
.jpg)
