اسلام آباد۔12جون (اے پی پی) آندے مالی سال 2024-25ء انفارمیشن ٹیکنالوجی دے شعبہ تے خصوصی توجہ ݙتی ویسی ۔ حکومت دی سازگار پالیسیاں دے نفاذ دے بعد اڄوکے سال آئی ٹی دی برآمدات 3.5ارب ڈالر تئیں پڄ ویسن ۔ قومی اسمبلی اچ وفاقی بجٹ اجلاس توں خطاب کریندے ہوئیں وفاقی وزیر خزانہ سینیٹر محمد اورنگزیب آکھیے آئی ٹی دے شعبہ اچ ہدف تے مبنی سرمایہ کاری دے ذریعے گھٹ مدت اچ زیادہ منافع ݙیوݨ دی صلاحیت اے ایں شعبے اچ ساݙے نینگراں دی مہات تے ہنر کہیں توں وی گھٹ کائنی ۔مالی سال 2024-25ء اچ آئی ٹی دے شعبہ سانڳے 79ارب روپےتوں ودھ رقم تجویز کیتی ویندی پئی اے۔
