اسلام آباد۔2جنوری(اے پی پی) صدر ڈاکٹر عارف علوی آکھیا جو معذور لوکاں کوں معاشرے دا حصہ بݨاوݨ اتے مارکیٹ اچ ملازمت دے قابل بݨاوݨ سانڳے ضروری تکنیکی مہارت اتے استعدادکار ودھاوݨ سانڳے اقدامات کیتے ویندے پئن۔ انہاں آکھیا جو ساکوں پی ڈبلیو ڈی سانڳے چیریٹی تے مبنی اپروچ دی بجائے رائٹس تے مبنی اپروچ بݨاوݨ دی لوڑھ اے۔ صدرمملکت اے ڳالھیں ہفتے کوں سندھ بزنس چیمبر دے ممبراں نال ہک اجلاس اچ ڳالھ مہاڑ کریندیں ہوئیں آکھی۔ صدر کوں ݙسیا ڳیا جو کراچی ایسوسی ایشن آف ٹریڈ اینڈ انڈسٹری (کٹی) ہنر فاؤنڈیشن نال خصوصی لوکاں سانڳے خصوصی ٹیکنیکل کورسز ڈٰیزائن کرݨ سانڳے تعاون کریندی پئی اے تانجو انہاں کوں ملازمت دے قابل بݨایا ونڄ سڳے۔
