اسلام آباد۔24اگست (اے پی پی) وفاقی وزیر بحری امور جنید انوار چوہدری کراچی دیاں بندرگاہواں تے ول ول مینھ توں بعد صفائی ستھرائی کیتے حفاظتی اقدامات تے عمل درآمد کرݨ دا وعدہ کریندیں آکھیے جو آلودگی کوں سمندر اچ داخل تھیوݨ اتے سمندری ماحولیاتی نظام، ماہی گیری اتے ساحلی برادریاں دے نقصان کوں گھٹ توں گھٹ کیتا ویسی۔ وزارت بحری امور موجب وفاقی وزیر دی ہدایت تے کراچی دیاں بندرگاہواں تے برتھاں، جیٹیاں اتے نیوی گیشن چینلز توں کوڑے کوں صاف کرݨ کیتے مینھ توں بعد دی کلین اپ مہم دا آغاز کیتا ڳئے تاں جو آلودگی کوں سمندر اچ ونڄݨ توں روکیا ونڄ سڳے۔ وفاقی وزیر آکھیا جو جݙاں وی شہر اچ ٻہوں زیادہ مینھ تھیندے تاں کراچی اتے قاسم بندرگاہواں آلودگی توں ٻہوں زیادہ متاثر تھیندن کیوں جو شہری نالیں توں نکلݨ آلا سیوریج، ٹھوس فضلہ، تیل دی باقیات اتے بغیر پراسیس شد?? صنعتی فضلہ کراچی ہاربر اتے کھلے سمندر اچ ویندن۔ انہاں خبردار کیتا جو موسمیاتی تبدیلیاں دے نال اے چیلنج زیادہ سخت تھیندا پئے جیں دی وجہ نال ساوݨ اچ زور دے مینھ وسدے پئن ۔ انہاں مینھ توں بعد دی صفائی اتے احتیاطی تدابیر تے توجہ ݙیوݨ دی لوڑھ تے زور ݙتا۔ وفاقی وزیر آلودگی تے قابو پاوݨ کوں ہک سماجی ذمہ داری قرار ݙیندیں ہوئیں آکھیا جو نائٹروجن ڈائی آکسائیڈ اتے زمینی سطح تے اوزون دی ودھدی ہوئی سطح سمندری ماحولیاتی نظام اتے انسانی صحت ݙوہیں کوں خطرے اچ پیندا پئے ۔ انہاں آکھیا جو اے غیر مرئی گیساں حیاتیاتی تنوع، خوراک دی حفاظت اتے صحت عامہ کوں م??لسل تباہ کریندیاں پئن۔ انہاں نشاندہی کیتی جو زیادہ تر آلودگی بندرگاہواں دے دائرہ اختیار توں ٻاہر پئی ہوئی اے، کراچی دے نکاسی اتے سیوریج دے نظام توں روزانہ تقریباً 450 ملین گیلن سیوریج اتے 600 ملین گیلن صنعتی فضلہ سمندر اچ ویندن۔ انہاں م??ید آکھیا جو ٻہوں زیادہ مینھ دے دوران اے زہریلا مواد زیادہ سخت تھیندے جیں نال ماحولیاتی اتے صحت دے بحران اچ ودھارا تھیندے۔ جنید انوار چوہدری وضاحت کیتی جو کراچی اچ گرمیاں دیاں سمندری ہوائیں بحیرہ عرب دے نال جنوب مغرب توں شمال مشرق ول زیادہ آندن جیڑھی نائٹروجن ڈائی آکسائیڈ اتے اوزون توں صحت دے خطرات کوں ودھیندن۔ انہاں م??ید آکھیا جو تردے پلاسٹک، تیل اتے کیمیائی باقیات توں وی سمندری غذا کوں آلودہ کرݨ اتے ساحلی پاݨیاں کوں آلودہ کر تے شد??د خطرات لاحق ہن۔ مائیکرو پلاسٹک اتے ٹاکسن ہارمونز سمندری جانوراں دے اعضاء کوں نقصان پچا سڳدن جݙاں جو مچھی اچ مرکری اتے ݙوجھیاں باریاں دھاتاں اعصابی اتے ترقیاتی بیماریاں وی پیدا کر سڳدن۔ وفاقی وزیر یاد ݙوایا جو “2013 اچ کراچی پورٹ ٹرسٹ ایریا، منوڑہ چینل اتے چنہ کریک سودھے کئی اہم آبی رستیں اچ تقریباً 100 ٹن ملیٹ مچھی (مقامی طور تے “بوئی” دے ناں نال جاݨی ویندی اے) وݙے پیمانے تے مر ڳئی ہئی، ماحولیاتی اثرات زہریلے پاݨی دے ا??را?? نال جُڑئے ہوئن۔ انہاں آکھیا جو مرݨ آلی مچھی دی قیمت دا اندازہ 2 توں 2.6 لکھ ڈالر لاتا ڳیا ہئی۔ انہاں آکھیا جو کیماڑی توں منوڑہ تئیں کھنڈئے ہوئے ساحلی علاقے متاثر تھیندے پئن جیں نال سمندری قسماں پرے پرے تئیں ونڄݨ تے مجبور تھیندیاں پئن اتے مچھیاں وی گھٹ تھیندیاں پئن، جیں دے نتیجے اچ کراچی دی مچھیریں دی برادری دے لکھاں لوکاں دی روزی روٹی متاثر تھئی اے۔ آلودگی تے قابو پاوݨ دی لوڑھ تے زور ݙیندیں وفاقی وزیر جنید انوار چوہدری آکھیے جو کراچی دیاں بندرگاہواں وختی ایں کوں روکݨ کیتے سٹارم واٹر ٹریٹمنٹ پلانٹس لا تے سمندر اچ آلودہ پاݨی دے وہݨ کوں روکݨ کیتے تیار تھی ویسن۔ انہاں وضاحت کیتی جو “فی الحال بندرگاہ دے حکام موجودہ وسیلیں نال مینھ توں بعد تردے پلاسٹک، کوڑا کرکٹ، تیل اتے کیمیائی باقیات کوں جمع کرݨ کیتے تعینات کریندن۔ مستقبل دے حوالے نال وفاقی وزیر آکھیے جو لمبی مدت دی لچک کیتے وݙے پیمانے تے مداخلت دی لوڑھ ہوسی، بشمول مینھ دے پاݨی دی صفائی دیاں سہولتاں، تعمیر شد?? پُسیاں زمیناں اتے شہری اداریں جیویں جو سندھ انوائرنمینٹل پروٹیکشن ایجنسی اتے کراچی میٹروپولیٹن کارپوریشن دے نال ن??ڑے تعاون کوں یقینی بݨاوݨ کیتے سیوریج اتے مینھ دے نالیں کوں انڄ انڄ رکھݨ دی لوڑھ اے۔
