اسلام آباد۔22مارچ (ا?? پی پی) صدر مملکت آصف علی زرداری قوم کوں یومِ پاکستان دی مبارخ ݙیندے آکھیے پاکستان ساݙے بانیان اتے تحریکِ پاکستان دے کارکناں دی عظیم قربانیاں تے وݙی محنت دے نتیجے اچ وجود اچ آئے، اڄ اساکوں سیاسی، معاشی تے سیکیورٹی دے وݙے چیلنجز دا سامݨا اے، موجودہ دور اچ پاکستان کوں اوکھے عالمی حالات ، معاشی دٻاؤ نال نبݨݨ تے پائیدار ترقی گھنݨ جیھے چیلنجز تے قابو پاوݨا ہوسی ، اساں دہشت گردی جیھے عفریت ??ا مقابلہ کریند?? پیوں تے ساݙی بہادر مسلح افواج مادرِ وطن دے دفاع اچ وݙیاں قربانیاں ݙیندی پئی اے ۔ ایوان صدر پریس ونگ توں جاری بیان موجب یومِ پاکستان دے موقع تےصدر مملکت آصف علی زرداری پیغام اچ آکھیے جو اساں انہاں چیلنج تے قابو پاوݨ تے مزید تکڑا بݨݨ دی صلاحیت ??کھیندوں۔ قراردادِ پاکستان دی روح اساکوں اے سکھیندی اے جو کامیابی گھنݨ سانڳے اساکوں اتحاد ، ایمان اتے تنظیم کوں مشعل راہ بݨاوݨا چاہیدے ۔ اساکوں قومی سلامتی کوں مستحکم کرݨ ، معیشت بحال کرݨ، زراعت کوں ترقی ݙیوݨ ، توانائی دے تحفظ کوں یقینی بݨاوݨ تے آپݨی نینگر نسل سانڳے موقع پیدا کرݨ تے توجہ ݙیوݨی ہوسی ۔ہرپاکستانی دی فلاح و بہبود سانڳے صحت اتے سماجی بہبود اچ سرمایہ کاری کرݨ ویلھے دی اہم لوڑھ اےتاں جو کوئی وی پاکستانی پچھوں نہ رہ ونڄے۔آصف زرداری آکھیے بابائے قوم دے ݙتے ڳئے اصولاں موجب خارجہ پالیسی تے عمل کریندے پاکستان امن بقائے باہمی، علاقائی استحکام اتے سانجھے تعاون سانڳے آپݨا کردار نبھیندا رہسی ۔ صدر مملکت آکھیے اساں آپݨے ہمسایہ ملکاں تے عالمی برادری نال سانجھے احترام اتے مشترکہ ترقی دی بنیاد تے تکڑے تعلقات بݨاوݨ سانڳے پرعزم ہیسے۔ نال ہی اساں اپݨی خودمختاری اتے جغرافیائی سالمیت ??ے دفاع سانڳے وی ثابت قدم رہسوں ، ساݙی مسلح افواج تے قانون نافذ کرݨ آلے اداریں مادرِ وطن دے تحفظ سانڳے وݙیاں قربانیاں ݙتن اساں انہاں دی جرات تے لڳن کوں سلام پیش کریندوں ۔ اڄ دے ݙینھ اساں جموں و کشمیر تے فل??طی?? دے عوام نال آپݨی غیر متزلزل حمایت ??ا اعادہ کریندوں جیڑھے آپݨے حقِ خودارادیت ??انڳے جدوجہد کریندے پئن ، انہاں آکھیے پاکستان عالمی برادری تے زور ݙیندے جو او اقوامِ متحدہ دی سلامتی کونسل دی قرارداداں تے وختی تے مؤثرعملدرآمد یقینی بݨاوے تاں جو کشمیری تے فل??طی??ی عوام اپݨے مستقبل دا فیصلہ خود کرسڳن ۔ پاکستان دی اصل طاقت عوام وچ ہے انہاں دی ہمت، محنت تے حب الوطنی ہمیشہ ایں ملک کوں اوکھے حالات اچوں کڈھیے۔ میں ہر پاکستانی توں اپیل کرینداں جو او آپݨے اختلافات توں بالاتر تھی تے تقسیم تے منفی رجحانات کوں مسترد کرے تے ھک خوشحال،ہمہ گیر تے انصاف تے مبنی پاکستان دی تعمیر سانڳے رل تے کم کرے ۔ صدر مملکت آکھیے آ??! ا??ݨے ہیروز دی قربانیاں کوں یاد رکھیندے ھک تکڑے ، متحد اتے خوشحال پاکستان دی تشکیل اچ آپݨا کردار نبھاؤں
