اسلام آباد۔2اکتوبر(اے پی پی) صدر مملکت آصف علی زرداری آکھئے جو پاکستان تے چین پکے بھرا ہن جنہاں دا مستقبل ہک ݙوجھے نال جُڑیا ہویا اے۔ پاکستان ہمیشہ چین دے موقف دی حمایت تے تائید کیتی اے۔ چین ٹیکنالوجی وچ جدت تے محنت دے ٻل بوتے تے دنیا وچ مقام بݨائے۔ پاکستان تے چین عم??ی طور تے ہک ݙوجھے دے شراکت دار ہن۔ چین دے ٹی وی “سی جی ٹی این” دے پروگرام ورلڈ ٹو ڈے کوں خصوصی انٹرویو دے دوران صدر مملکت آکھئے جو اساݙا جغرافیائی محل وقوع سانجھے مفاد تے مبنی تعلقات دے حوالے نال اہمیت رکھیندے ۔ آندیاں نسلاں کوں ایں ڳالھ دا یقین ݙیواوݨاں اے جو اپݨے وسائل دے بہتر استعمال نال خود انحصاری حاصل کرسڳدوں۔ انہاں آکھئے جو پاکستان تے چین وچال تعاون تے سرمایہ کاری دے وسیع موقع موجود ہن۔ پاݨی دے انتظام، آفتاں کوں روکݨ تے جدید زرعی ٹیکنالوجی وچ تعاون دا ودھارا ویلھے دا تقاضا اے۔ پاݨی دی بچت تے مؤثر استعمال کیتے آبپاشی دے جدید طریقے اپݨاوݨے ہوسن۔ صدر مملکت آکھئے جو زرعی شعبے وچ خود کفیل تھیوݨا اے تاں جو اپݨے مستقبل کوں محفوظ بݨا سڳوں۔ انہاں آکھئے جو زرعی شعبے وچ چین دے تجربیں کنوں فیدہ چیسوں۔ صدر مملکت آکھئے جو ترقی ??ار??ں دا حق اے۔ چین دے نال اساݙا تعاون ہݨ خلاء تئیں پُڄ چُکئے۔ انہاں آکھئے جو اساں پرامن بقائے باہمی تے یقین رکھیندوں ، ہݨ جنگاں دا کائناں معاشی ترقی دا سوچݨا پوسی۔ انہاں آکھئے جو اساں ہر طرح دے حالات وچ چین دے نال کھڑوں، ??ار??ں کوں ہک ݙوجھے دی خودمختاری دا احترام کرݨا پوسی۔ چین دا مستقبل تابناک اے، پورا مشرق انہاں دے نال رل تے کم کریسی۔ انہاں آکھئے جو چین دے میݙے دورے ہمیشہ خیر سگالی کیتے تھیندن۔ چین دی معیشت مضبوط تھئی جیندے نال عوام ٻہوں خوشحال، مطمئن تے خوش ہن۔ انہاں آکھئے جو چین ہݨ بالکل بدل چُکیے۔ 14 سال پہلے جݙݨ اِتھاں آیا ہامی تاں اے بالکل مختلف ہئی۔ 16 کنوں 17 واری چین دا دورہ کر چُکیاں تے ہر واری ایہو اپنائیت ملدی اے۔ چین دے عوام دی محبت میکوں کئی واری اِتھاں گھِن تے آندی اے۔ صدر مملکت چین دی ترقی دے سفر تے پاک چین دے ??ار?? موسماں دے سٹریٹجک تعاون تے مبنی شراکت داری دی تعریف کریندے تعلیم، زراعت، توانائی تے رابطے دے شعبیں وچ ݙو طرفہ تعاون کوں ولدا مضبوط بݨاوݨ تے زور ݙتا۔ انہاں چین دے مشرق وچ قائدانہ کردار دی تعریف کیتی تے صدر شی جن پنگ دی عالمی حکمرانی دی پہل سودھے انہاں اقدامات دی تعریف کیتی جیندا مقصد سانجھی خودمختاری دا احترام اے۔ صدر انٹرویو دے دوران اپݨے تے اپݨے وفد دے پرتپاک استقبال دی وی تعریف کیتی۔ صدر مملکت آکھئے جو چین دے جیڑھے علاقے وچ وی ڳئے، میکوں بھرپور پیار مِلیا، ایں کیتے چینی محبت میکوں ول ول اتھاں چھک تے گھِن آندی اے۔ انہاں آکھئے جو اے میݙا چین دا 17واں دورہ اے جیندے دوران او چینگڈو تے شنگھائی وی ڳئن۔ انہاں اقتصادی تعاون دی اہمیت کوں اُجاگرکریندے آکھئے جو اساں اقتصادی سوچ دے نال اڳوں ٹُرݨاں اے تے زراعت دے شعبے وچ فی ایکڑ پیداوار تے پاݨی دے انتظام وچ بہتری لاتے زرعی شعبے وچ خود کفالت حاصل کرݨی اے جیں کیتے خلائی ٹیکنالوجی دے حوالے نال چین دے نال معاہدے دا وی اعادہ کیتے۔ صدر مملکت آکھئے جو پاکستان تے چین ہر موسم وچ سٹریٹجک تعاون دے شراکت دار ہووݨ دے علاوہ عوام وچال مضبوط تعلقات دے حوالے نال وی ہک ݙوجھے دے نال کھڑن۔ انہاں آکھئے جو دنیا وچ جتھاں وی وینداں، میݙا پہلا موقف اے ہوندے جو چین دا احترام کریساں، انہاں کوں او مقام ݙویساں جیندا او حقدار اے، انہاں دے عوام، انہاں دی ٹیکنالوجی، ہر چءز دنیا دے احترام دے لائق اے۔ چین پاکستان اقتصادی راہداری (سی پیک) دے حوالے نال صدر مملکت آکھئے جو پاکستان چین دی قریب ترین بندرگاہ اے تے گوادر پورٹ دی ترقی نوجواناں کیتے روزگار دے موقع پیدا کیتن تے ٻہوں توجہ، تجارت تے انفراسٹرکچر تے مرکوز کر تے علاقائی ترقی کوں ودھارا ݙتے۔ انہاں آکھئے جو ایں کیتے میں کیتے ایں ڳال?? کوں یقینی بݨاوݨ دی ٻہوں اہمیت اے جو بلوچستان محفوظ تر تھیوے۔ اساں گاݙی چلا تے او تئیں پُڄ سڳدؤں تے او اساں تک پُڄ سڳدن، ایں کیتے اے ہک شاندار مستقبل دا تصور اے۔ صدر مملکت چین دی شمسی تے ہوائی توانائی دی مہارت تے ہائیڈرو پاور دے مستقبل وچ ایندھن دے طور تے استعمال دا حوالہ ݙیندے ایں شعبے وچ ݙو طرفہ تعاون دے فروغ دی ضرورت تے زور ݙتا۔ چین دی تیز رفتار ٹرین وچ سفر دے اپݨے تجربے دا ذکر کریندے انہاں آکھئے جو او سندھ حکومت کوں کراچی تے حیدرآباد کوں ایویں ہی ٹرین نال جوڑݨ کیتے آمادہ کریسن جیندے نال سفر دا دورانیہ ڈھائی گھنٹے کنوں گھٹ تھی تے 20 منٹ رہ ویسی۔ ایں منصوبے دی 60 فیصد مالی اعانت پاکستان کریسی جݙݨ جو چین 40 فیصد نرم قرضے ݙیسی تے اینکوں چلیسی۔ تعلیمی تعاون دے بارے وچ صدر مملکت آکھئے جو او چین وچ نرساں کوں تربیت کیتے بھیڄݨ دے خواہشمند ہن جیندے دی مالی اعانت سندھ حکومت کریسی جݙݨ جو زمین تے عمارتاں وی ݙتیاں ویسن تے چینی ٹرینر پرے کنوں وی چین دی طبی مہارت شیئر کر سڳدن۔ سڑک دے رابطیں وچ بہتری دی اہمیت دا حوالہ ݙیندے انہاں آکھئے جو چینی ہمیشہ اساݙی مدد کرݨ کیتے ٻہوں رضامند رہندن تے اساں چین دی مدد کرݨ کیتے ٻہوں رضامند ہیسے، ایں کیتے اساں امید رکھیندوں جو اے سڑک بہتر تھی ویسی تاں جو میں ٻہوں واری ڳالھ مہاڑ کر سڳاں تے ہوائی جہاز گھِنݨ دے بجائے گاݙی چلا تے چین آ سڳاں۔
.jpg)
.jpg)
