اسلام آباد۔29اگست (اے پی پی) نائب وزیراعظم / وزیر خارجہ سینیٹر محمد اسحاق ڈار اتے جمہوریہ آرمینیا دے وزیرخارجہ ارارت میرزویاں وچال ہک چنڳی اتے تعمیری ٹیلیفونک ڳالھ مہاڑ تھئی جیں اچ ݙوہیں اڳواݨاں پاکستان اتے آرمینیا وچال باقاعدہ سفارتی تعلقات دے قیام تے غور کرݨ تے اتفاق کیتے۔ ایکس تے آپݨی پوسٹ اچ نائب وزیراعظم/ وزیر خارجہ سینیٹر اسحاق ڈار ݙسایا جو میݙی جمہوریہ آرمینیا دے وزیر خارجہ ارارت میرزویاں نال ٹیلی فون تے چنڳی ڳالھ مہاڑ تھئی، اساں پاکستان اتے آرمینیا وچال سفارتی تعلقات دے قیام تے غور کرݨ تے اتفاق کیتا۔
